Hóast veðrið her í Klaksvík ikki var av tí harðasta, tá hann snaraði um lágan vestan, so tøraði fyri inn eftir Vágni á Vesturættini og møguliga var hann hægri.
Á Norðlýsinum sluppu vit heldur ikki undan, eitt skamlop í skipanini á redaktiónini gjørdi at vit máttu sløkkja niður og ikki fyrr enn í dag er tað fingið so í rættlag at til ber at arbeiða trygt.
Ein túrur við myndatólinum í dag, leggur nakrar myndir afturat mydunum hjá Dávi Winther.
Tað sum vit løgdu til merkis á túrinum í dag var, at sera nógv hevur ligið kring um á havnaøkinum í Klaksvík so helst er nógv av hesum eisini orsøk til skaðar har og í býnum.
Her myndir afturat frá í dag:
