Leygardagin skipaði Roysnið fyri árliga Nýggjárshálvmaraton. Starturin var sum vanligt nakað norðanfyri grótbrotið á vegnum oman til Funningsfjørð, og málið á Toftum. Renningin gekk væl at avgreið og veðrið var á heilt góðari leið, hóast eitt lot var ímóti mestsum allan teinin, nøkur smá æl og eitt sindur kølið hóast hann ikki var høgur.
Beint eftir startin
Luttøkan bleiv góð og vóru tað nærum 70 tilmeldaði áðrenn byrjan. Tá avtornaði vóru tilsamans 65 rennarar sum komu á mál, 41 menn og 24 kvinnur.
Sum væntað so bleiv Marnar Djurhuus úr Treysti fyrstur á mál. Hann venur í løtuni málrættað til Oyggjaleikirnar á Gotlandi í summar, og varð Nýggjársjhálvmaraton, tí ikki runnið við fullari megi. Hann og Eirikur Hansen úr Bragdið fylgdust annars nokkso leingi.
Hjá kvinnunum varð tað eisini sum væntað Rigmor N. Arge úr Hvirluni sum vann. Hon rann eina heilt góða tíð. Henni næst kom Ella Áarstein úr Treysti.
Ella Áarstein
Bestu tíðirnar í ár vóru hesar:
Hjá monnum:
1. 1.18.35 Marnar Djurhuus, Treysti
2. 1.18.45 Eirikur Hansen, Bragdð
3. 1.24.01 Cecil Weihe, Bragdið
F.v. Eirikur Hansen, Cecil Weihe og Marnar Djurhuus
Marnar Djurhuus (Treysti) vann aldursbólkinum (1972-00), Cecil Weihe (Bragdið) vann veteranbólkin (1962-71) og Regin Zachariasen (Bragdið) vann superveteranbólkin (-1961)
Hjá kvinnum:
1. 1.32.27 Rigmor Napoleonsdóttir Arge, Hvirlan
2. 1.44.33 Ella Áarstein, Treysti
3. 1.46.01 Hergerð Heldarskarð, Bragdið
Rigmor N.Arge og Jonhard Larsen
Ann-Mari av Skarði (Bragdið) vann aldursbólkinum (1972-00), Rigmor N. Arge (Hvirlan) vann veteranbólkin (1962-71) og Anna Sofía Kristiansen (Bragdið) vann superveteranbólkin (-1961).
Ein vælnøgdur “debutantur” Rógvi Joensen
Øll úrslitini finnast her: Úrslit Nýggjárshálvmaraton 2017
Myndirnar hevur Jóannes N. Poulsen tikið.
Fleiri myndir, sum hann tók, eru at finna her: Nýggjárshálvmaraton 2017
Heini Gregersen “førir an”
Jonhard Larsen
Bogi Bjarnason og Jan Matras
Vatnposturin í Skálabotni eftir 5 km
Guttorm Sørensen náddi málið, sum var undir 2 tímar
Yess!!! Ein vælnøgdur Rógvi fer um málstrikuna
