Tey eru sjálvandi skelkaði, ongin hevur givið kreppuhjálp til konur og avvarðandi av teimum, ið sigla við Polar Nanoq.
Í Føroyum verður í tíð og ótíð tosað um at veita avvarðandi kreppuhjálp, ella sálarhjálp í trongum umstøðum.
Nú eitt grønlendskt skip við nógvum føroyingum umborð liggur arresterað í íslendskari havn, alt ímeðan avarðandi hjá føroyingunum heima verða undirringd av føroysku pressuni og skipið og óhugnaligu umstøðurnar eru í yvirskriftunum í miðlunum tíma fyri tíma, hevur sum skilst onki av feløgunum hjá teim avvarðandi tikið hond um tey, ið óttafull ganga heima og at kalla bert hoyr tað, ið miðlarnir føra fram. Tað sigur ein ið stendur teim avvarðandi nær.
Tað er ikki nóg gott.
