Karin Elspudóttir, stjóri á Norðurbryggjuni í Keypmannahavn, hevur í dag fingið heiðursmerki frá íslendska forsetanum Guðna Jóhannessyni.
Karin Elspudóttir, stjóri á Norðurbryggjuni í Keypmannahavn, hevur í dag fingið heiðursmerki frá íslendska forsetanum Guðna Jóhannessyni. Karin Elspudóttir hevur starvast á Norðurbryggjuni heilt frá tí at arbeiðið byrjaði við at seta bygningin í stand, men hon hevur tó ikki verið stjóri alla tíðina.
Søguliga húsið á Norðurbryggjuni umboðar føroyska, grønlendska og íslendska list og mentan í danska høvuðsstaðnum.
Í hesum døgum eru íslendsku forsetahjúnini á vitjan í Danmark, og í tí sambandinum verður døgurði fyri teimum og donsku kongsfamiljuni á Norðurbryggjuni í annaðkvøld.
