Á landsfundinum hjá Sambandsflokkinum, á Hotel Vágum í dag, gjørdi Magni Laksáfoss greitt at uppskotið um nýskipan av fiskivinnuni, sum landsstýrið hevði lagt alment fram, líktist ikki tí semjuni, sum Sambandsflokkurin og samgongan høvdu samráðst seg fram til.
Á landsfundinum hjá Sambandsflokkinum, á Hotel Vágum í dag, gjørdi Magni Laksáfoss greitt at uppskotið um nýskipan av fiskivinnuni, sum landsstýrið hevði lagt alment fram, líktist ikki tí semjuni, sum Sambandsflokkurin og samgongan høvdu samráðst seg fram til.
– Í Kringvarpinum ljóðaði tað, sum um at eg skal hava sagt, at 90% av tí uppskotinum, sum samgongan nú hevur lagt fram, var fult í trá við tað, sum Sambandsflokkurin kundi góðtaka.
– Hetta er beinleiðis skeivt. Tað sum landsstýrismaðurin í fiskivinnumálum nú hevur lagt fram, er sera langt frá tí, sum samráðingarnar millum okkum og samgonguna vóru komnar til.
– Eg trúgvi framvegis at vit høvdu kunnað funni eina semju, men tað uppskotið hevði so als ikki líkst hesum sum nú liggur á borðinum.
– Eg eri samdur við teimum sum siga at uppskotið um eina nýskipan, sum landsstýrið hevur lagt fyri dagin er ein fløkja og kann als ikki brúkast, segði Magni Laksáfoss, næstformaður Sambandsflokksins.
