Listarframsýningin við málningum eftir Arnold Vegghamar, sum fyllir áttati 22. i hesum, letur upp í Viðareiðis skúla leygardagin 8. apríl kl. 16.00. Byrjað verður við eini styttri samkomu har felagssangur, tónleikur og onkrar hugleiðingar frá Líggjasi í Bø um systkinabarnið verða á skránni. Eisini verður ein kaffimuður at fáa.
Hetta er søluframsýning við 50 málningum, og teir allarflestu eru nýggir og ongantíð framsýndir áður. Framsýningin verður opin hvønn seinnapart kl. 15.00 – 19.00 til páskaaftan 15. apríl.
