Í morgun var hetta parið at síggja fram við landi á Borðoyarvík, helst saman við einum unga. Tá eg fyrst sá teir í morgun, vóru teir tríggir í fylgi. Møguliga ungin frá seinasta ár, ella ein steggi til avlops, tað vita vit ikki.
Men lítið er at ivast í, at hetta parið fer at reiðrast á vatninum við hólmanum omanfyri Skúvadal ella kanska longur eysturi. Vit hava fyrr avmyndað upp til fimm lómar á Vatninum á Eggini. Tað er kent, at fleiri lómapør reiðrast eysturi á fjøllum.
Vakrir eru teir á at líta, hesir stóru fuglarnir. Eftir er bara at vóna, at ongin finnur upp á at skjóta, tí tað er ikki loyvt og eisini ljótt móti okkara fuglameingi.
Góðar pásir øll somul!
