Ein áhugabólkur heitur í hesum døgum á fólk um at luttaka á mótmælistiltaki í Tórshavn mánadagin í sambandi við at málið um fiskivinnunýskipan kemur fyri løgtingi
Ein áhugabólkur heitur í hesum døgum á fólk um at luttaka á mótmælistiltaki í Tórshavn mánadagin í sambandi við at málið um fiskivinnunýskipan kemur fyri løgtingi
1. viðgerð av málinum um nýskipan av fiskivinnuni er á skránni fyri løgtingsfundin mánadagin. Í hesum sambandi er ein áhugabólkur farin í gongd við at fyriskipa eitt friðarligt mótmælistiltak beint viðsíðurnar av løgtingshúsið.
Boðini verða deild ímillum fólk á facebook og boðini kunnu lesast niðanfyri:
Heitt verður hervið á familju, vinir og øll sum stuðla fiskivinnuni í hesum døgum. Mánadagin verður mótmælistiltak í Tórshavn. Tiltakið verður í klubbagarðinum og í Shanghai matstovuni. Vit hava brúk fyri tykkum øllum til eitt friðarligt tiltak sum verður samstundis sum viðgerðin av uppskotinum um fiskivinnunýskipan fer fram. Byrjað verður kl. 09.00.
Vinarliga kom við og vís tín stuðul.
