Klaksvíkingur vann ein rímiligan tryggan sigur á Varmakeldu í dag.
Tað var við stórum spenningi, at sæð var fram ímóti 10-mannafarsróðrinum á Varmakeldu, tí so javnt var millum bátarnar í Hósvík mikukvøldið. Men í dag var eingin ivi. Klaksvíkingur legði seg beinanvegin á odda, fekk ein nógv betri start enn seinast, og helt leiðsluna allan vegin inn á mál. Onkuntíð nærkaðist Ormurin Langi, men at síggja til hevði Klaksvíkingur fult tamarhald á og á málinum var eingin ivi um, at Klaksvíkingur vann. Meir enn eitt sekund var aftur til Ormin Langa. Sostatt hevur Klaksvíkingur vunnið allar fýra róðrarnar higartil í ár og liggur nú sera væl fyri í kappingini at vinna FM. Eisini má staðfestast, at Varmakelda er góð við Klaksvíking. Tí hetta var fimtu ferð á rað, at Klaksvíkingur vann á Varmakeldu. Í 2009, 2011, 2013, 2015 og nú í 2017.
1. Klaksvíkingur 4.33.29
2. Ormurin Langi 4.34.49
3. Drekin Reyði 4.35.47
4. Havnarbáturin 4.39.03
Mynd: KVF/screenshot
Róðurin frá Varmakeldu kann síggjast hjá KVF HER
