Myndarøð: Mansliðið hjá Mjølnir ætlar sær meir í ár enn vit hava sæð seinastu árini. Tað staðfestu teir við tryggum sigri á ÍF í Klaksvík í dag.
Menninir hjá Mjølnir hava í ár fingið tilgongd av fleiri leikarum, sum vóru við í gylta tíðarskeiðnum fyri nøkrum árum síðani, tá Mjølnir var partur av oddinum í føroyskum mansflogbólti.
Mjølnir vann Fleyr kappingina fyrr í ár, men tapti fyrsta landskappingardystin móti Fleyr á útivølli 3-0, tó at sett úrslitini bendu á ein rímiliga javnan dyst.
Í dag vitjaði ÍF í Klaksvík. ÍF hevði frammanundan vunnið sín einasta dyst, sum var ímóti SÍ. Mjølnir vann tryggan 3-0 sigur. Sett úrslitini vóru 25-23, 25-21 og 25-13.
