Høgni Hoydal boðaði frá av tingsins røðarapalli, fyri løtu síðan, at ein trupuleiki við uppboðsølunum er at tey sum hava eginkvotur hava keypt tað mesta.
Formaðurin í Tjóðveldi segði at “uttanhýsis ráðgeving” hevur mælt til at teir aktørar sum hava eginkvotu ikki skullu sleppa at bjóða á uppboðssøluni.
Hetta merkir at tey sum í dag eru í fiskivinnuni ikki sleppa at bjóða á uppboðsøluni.
Allarstørsti parturin av føroyska tilfeinginum sum í dag verður fiska, verður fiska av vinnuni sum er í norðurøkinum og aktørum sum hava langtíðarloyvir.
Hendan útsøgnin kemur frá formanninum í Tjóðveldi hóast Ingolf S. Olsen og Óluva Klettskarð ferð eftir ferð alment hava sagt at tað stendur verandi aktørum frítt at bjóða á uppboðssøluni. Hetta hava tey sagt hvørjaferð vinnan í norðurøkinum hevur víst á hvørjar negativar avleiðingar førdi fiskivinnupolitikkurin hevur havt á vinnuna.
Sum skilst tekur løgmaður og Javnaðarflokkurin ikki undir við uppskotinum frá formanninum í Tjóðveldi og hansara “uttanhýsis ráðgeving”.
