Á ársins seinasta býráðsfundi er fá, men týðandi mál á skrá.
Fíggjarætlanin fyri 2019 er til viðgerðar. Ein marknaumskipan er síðani til viðgerðar.
Eisini skulu býráðslimir taka støðu til fígging av sólskinssøguni við dagstovnaskálum til Fjallafípuna úti í Grøv
Leiðarin av Kunningarstovuni hevur sagt seg úr starvi og er farin í annað starv. Eisini verða 150.00 krónur fluttar av kontuni Vinnumenning til Norðoya Kunningarstovu – afturfyri skal vinnudeildin verða við til at mynda Kunningarstovuna framyvir.
Býráðsfundurin verður í kvøld kl. 17.30, og skráin fyri fundin sæst her.
Regluligu býráðsfundirnir eru almennir, og til ber eisini at stroyma fundin beinleiðis umvegis heimasíðuna hjá Klaksvíkar kommunu.
