Team Klaksvík tapti greitt á heimavølli móti næstaftasta liðnum í deildini og liggur nú langt aftast í deildini.
Liðini fylgdust allan fyrra hálvleik og í hálvleikinum var bara eitt mál á muni. Í seinna hálvleiki fór KÍF frá heimaliðnum og tað var ongantíð nakar ivi um, hvør fór at vinna dystin. Úrslitið gjørdist 29-24 til KÍF. Við hesum kom KÍF uppá 9 stig og fór eitt stig framum StÍF, meðan Team Klaksvík nú er langt aftast. Team Klaksvík hevur 2 stig fyri 11 dystir.
Toppskjútti hjá Team Klaksvík var Hørður F. Sigtórsson við 5 málum.
