Gunvá við Keldu, fyrrverandi borgarstjóri og partur av minnilutanum í Klaksvíkar býráð, heitur umvegis facebook á býráðsleiðsluna um at greiða borgarunum frá málinum, har kommunan hevur bundið seg at rinda felag hjá fyrrverandi kommunalum stovnsleiðara hálva triðju millión krónur í beinleiðis stuðli. Harafturat hevur kommunan bundið seg til at gera stórar íløgur í arbeiðs- og kringumstøðurnar tey næstu fimm árini.
Fyrrverandi borgarstjórin skrivar soleiðis umvegis facebook:
– Ófrættakent, at býráðsleiðslan ikki hevur so mikið av stirðili í sær, at tey ynskja at greiða borgarunum frá hesari “íløguni”. Roknskapurin fyri 2018 verður ikki tann snøggasti kommunan hevur lagt fram, tí manglar peningur nógvastaðni.
– Vísi tykkum nú sum kvinnur og menn og ikki bara standa “uppá mál”, tá ið tær góðu søgurnar skulu sigast, sum jú eru nógvar í góðum tíðum.
Les annars útgreining av málunum, sum Norðlýsið hevur gjørt í greinum niðanfyr og viðmerking frá Bjørn á Heygum advokati:
