Eitt sindur av vindi verður seinnapartin í dag. Tó ikki so nógv, sum væntað varð í gjár og fyrradagin.
Tíbetur.
Lágtrýstið, ið kemur við vindinum, fer eitt sindur longur eystureftir, enn roknað var við.
Tað eru um 10 m/s kring landið í løtuni. Ættin er vesturhallur norðan.
Eftir døgurða fer vindurin at veksa. Klokkan 14 er vindferðin 13 til 18 m/s, og um 17-tíðina eru 15 til 20 m/s í miðalvindinum. Hvirlurnar sjálvandi nakað harðari.
Eftir tað fer at minka; á midnátt er miðalvindferðin komin niður í umleið 10 m/s aftur.
