Nú er greitt, at ein broyting verður í Klaksvíkskappingini.
HB fer á venjingarlegu í Turkalandi í eina viku síðst í februar og kann tí ikki spæla í Klaksvíkskappingini. Tummas Lervig, formaður í KÍ, sigur við Norðlýsið, at KÍ gjørdi skjótt av og bjóðaði nummar 5 í fjør, Víkingi, plássið og Víkingar hava boðað frá, at teir taka av.
Sostatt vera tað meistararnir frá 2016 og 2017, sum avloysa meistararnar í 2018. Liðini í ársins Klaksvíkskapping, sum verður 23.-24. februar, vera KÍ B36, NSÍ og Víkingur.
