Í Torravikuni sýnir Hansina Iversen, listakvinna fram í Gamla Seglhúsinum. Talan er um áhugaverda listaframsýning, ið hevur verið væl vitjað.
Tá ið listaframsýningin lat upp herfyri, bjóðaði Símun Gullaksen vælkomin og greiddi frá skránni. Fyrst sang Steintór Rasmussen, síðani helt Hilmar Høgenni eina sera áhugaverda røðu. Hilmar er innarlaga í listini og hevur fylgt væl við Hansinu. Eftir røðuna sang Steintór og síðani var boðið til smávegis ábit og sjálvandi var eisini bjóðað til at fara runt at hyggja eftir málningunum.
Hvar: Gamla Seglhúsið
Nær: Allar dagar, uttan leygardag kl. 14 – 17
