Vinnutíðindi: Áhugaverdur VLR-netverksfundur fyriskipaður av Føroya Tele Millum 60 og 70 fólk úr vinnulívinum møttu á Spinnarínum mikumorgunin, sum Føroya Tele hevði bjóðað inn til saman við Vinnulívsráðnum í Klaksvík.
Tað var Jan Ziskasen, stjóri á Føroya Tele, sum hevði framløgu, har hann fór aftur í søguna frá 1906, fram til nútíðina og síðani førdi hann hann hegnisliga fundarfólkið út í eina tøkniliga framtíð, har hann eisini vísti á, hvussu skjótt broytingarnar ídag ganga.
Greitt var frá, hvussu umráðandi tað er, at allir partar tøkniliga fylgja við menningini, hvussu mangir tættir verða ávirkaðir av menningini, og hvussu tann, sum ikki fylgir við, hvør á sínum øki kann rokna við, at hann dettur niður ímillum, bæði vinnuliga, handilsliga og á nýhugsan annars.
Víst varð eisini á, hvussu skjótt menningin gongur og hvussu nógv skjótari hon fer at ganga. Tað, sum er óhugsandi ídag, verður longu veruleiki í tjúgunum .
Tøkniliga rákið
Tá hann var liðugur við framløguna, sum eisini innibar nógvar tekniskar upplýsingar, vórðu onkrir spurningar settir, sum Jan svaraði.
Hetta vísir eisini at vinnan, hvør hon so er og ikki minst inn-, útflutnings- og handilsvinnan, verður noydd at gera uppstrammingar og at fylgt verður tøkniliga við rákinum.
Netverksfundurin byrjaði við morgunmati kl. 9,30 sum Føroya Tele hevði bjóðað og endaði um middagleitið.
Ein komandi Netverksfundur, sum Vinnulívsráðið skipar fyri, verður helst seinast í apríl mánaði saman við Íverksetarahúsinum.
