Fyrrv. landsstýriskvinnan í mentamálum Rigmor Dam upplýsti ì sìni tìđ fyri løgtinginum, at ætlanin var at flyta Brandskúlan við Áir til Klaksvíkar. Vit kunnu í dag staðfesta, at enn er onki hent í málinum.
Tí verða niðanfyrinevndu spurningar settir nùverandi landstýriskvinnuni í mentamálum, Hannu Jensen:
1: Hvussu gongst við at flyta Brandskúlan við Áir til Klaksvíkar?
2: Hvar er ætlanin, at skùlin skal verða staðsettur í Klaksvík?
3: Fylgja lærarnir við flytingini ?
4: Er leiðslan í Sjónám tikin við uppá ráđ ì tilgongdini, ella undir hvørjum stovni skal Brandskúlin verða?
5: Við Áir er m.a ein konstruktión av einum maskinrúmi, har venjingar verða gjørdar.
Verður henda konstruktiónin flutt til Klaksvíkar ella verður ein bygd av nýggjum og hvat verður kostnaðurin av hesum ?
6: Sambært løgtingsfíggjarlógini fyri 2019 eru játtaðar 300 tús. kr. til flyting av útgerð frá
brandskúlanum við Áir til Klaksvíkar. Hvussu langt metir landsstýriskvinnan, at
hesar 300 tús. kr fara at røkka ?
Tað vóru hugalig tíðindir fyri norðoyingar, tá tað frættist, at Brandskúlin skuldi flytast til Klaksvíkar. Men tìverri er onki hent enn. Tá vit so eisini síggja játtanina til hesa flyting uppá einans 300 tús kr, so vita øll, at henda upphæddin fer ikki at halda og vónandi er tí flytingin ikki einans er á pappírinum.
Um samgongan meinti nakað sum helst við hesa flyting, so hevði hon sett fleiri millónir av, og ikki 300 tús.
Havi hug at samanbera hesa játtan við játtanina til byrgingina um Haraldsund. Her verđur tosađ um at brúka 5 – 7 mill til liðugtgerð av byrgingini. Hinvegin metir LV kostaðin av arbeiðinum til 32 mill. ! Her er heldur onki hent, sjálvt um landstýrismađurin ì samferđslumálum Heđin Mortensen hevur veriđ alment frammi og proklamerađ, at nù skuldi byrgingin um Haraldsund gerast liđug beinanvegin.
Eisini er áhugavert, at vita, hvar í Klaksvík Brandskúlin skal staðsetast, soleiðis, at evt. roykurin frá honum ikki generar nakran.
Vóni ikki, at flytingin av Brandskúlanum fær somu lagnu sum tunlarnar norđur um fjall ella flytingin av skrivstovuni hjá Norđoyatunlinum/Vágatunlinum inn á Skálafjørđin .
Elsebeth Mercedis Gunnleygsdóttur
Løgtingslimur
