Tiltakið “Slóða fyri” heldur fram í morgin. Niðanfyri sæst yvirlit yvir tey tiltøk, ið eru á skrá í morgin.
TÝSDAGUR
13.00-17.00 Verkstaðið verður opið. Til ber at koma við feilkeyptum klædnavørum og fáa rætta skeivleikar. Kostnaður frá 100 krónum.
Staður: Verkstaðið, Klaksvíksvegur 70
15.30-17.30 Framsýning og frágreiðing um burðardyggar verkætlanir. Næmingar á Tøknibreytini sýna fram sínar próvtøkuverkætlanir.
Staður: TSK (Tekniski Skúli)
16.30-18.30 Matoyðsl sum rótasúpan, har vit í felag gera mat burtur úr vørum, ið annars endaðu í ruskspannini. Máltíðin er ókeypis. Havið egna skeið og suppuskál við.
Vælumtókta tiltakið “Matoyðsl sum rótasúpan” er eitt tiltak, har vit í felag gera mat og varpa ljós á matoyðsl. Maturin vit brúka er avlopsgrønmeti og frukt, sum vit fáa frá matvøruhandlum í Klaksvík. Vit hava knív og skeribretti til øll.
Tiltakið er fyri øll – ung sum eldri og børnini kunnu eisini vera við í matgerðini.
Tekniski skúlin í Klaksvík skipar fyri tiltakinum og næmingar á matvørudeildini vera við í matgerðini.
Staður: TSK (Tekniski Skúli)
19.00 Burðardygg trúgv í Solo Deo Gloria. Filmurin Landfill Harmonic verður vístur, og prát verður við Hendrikki Akurstein og Róa Norðoy um umhvørvið í bíbilskari heimsáskoðan.
Staður: Solo Deo Gloria, Klaksvíksvegur 56
