Royndi málverjin trívist væl í KÍ og hevur gjørt nýggjan sáttmála við KÍ.
KÍ boðar í kvøld frá, at landsliðsmálverjin Kristian Joensen hevur gjørt nýggjan sáttmála, ið er galdandi fyri 2020 og 2021. Kristian kom til KÍ í 2016 og er í gongd við sítt 4. kappingarár í KÍ. Hann telist millum føroyingarnar, ið ikki eru uppaldir í KÍ, sum hava verið longst í felagnum.
Kristian Joensen hevur havt eitt sera gott kappingarár. Serliga minnast vit hann kanska fyri útidystin móti Luzern í Sveis og dystin móti HB í seinasta landskappingardystinum.
