Bakkafrost fer í holt við at útbyggja smoltstøðina á Norðtoftum. Sáttmáli er undirskrivaður, og arbeiðið fer væntandi at byrja í summar. Tá ið útbyggingin er liðug um tvey ár, verður smoltstøðin 18.000 m3 til støddar
Bakkafrost fremur stórar íløgur í útbýgging av smoltstøðum. Hetta er ein partur av felagsins strategi.
– Hetta er enn eitt stig í okkara strategi at ala fiskin longri á landi. Okkara smoltframleiðsla í dag er tvífaldað samanborið við fyri tveimum árum síðani. Vit halda fram við at gera íløgur á hesum øki við tí máli at náa eina miðal smoltvekt á 500 gram við útseting, sigur Regin Jacobsen, forstjóri.
Smoltstøðin á Norðtoftum er í dag knappar 5.200 m3 til støddar. Arbeiðið at gera lendið klárt til bygging er í gongd og verður væntandi liðugt um 3 vikur.
Tað starvast 12 fólk fast á smoltstøðini á Norðtoftum.
