18 ára gamli KÍ-leikarin er í gongd við sítt stóra gjøgnumbrot í ár.
Í dag skoraði 18 ára gamli Jonn Johannessen sítt 5. mál hetta kappingarárið. Sambært FaroeSoccer hevur hann skorað tey fimm málini í 697 minuttum. Hyggja vit eftir U21-leikarum, sum eru leikarar føddir í 1999 ella seinni, so er Jonn, ið er føddur 30. desember í 2001, toppskjútti í deildini. Nærmast eru Aron Knudsen og Mórits Heini Mortensen, báðir føddir í 1999 og úr NSÍ, við trimum málum.
Jonn er tilsamans byrjaður inni í 8 landskappingardystum í ár. Í fjør byrjaði hann inni í 10 dystum og skoraði 2 mál.
