Fríggjadagin 11.12.20 hava 11 lærlingar staðið sveinaroyndina sum elektrikarar og 10 lærlingar sum maskinsmiðir á Tekniska Skúla í Klaksvík.
Hóast tiltakið var merkt av Corona-tilmælum, gjørdist løtan hugnalig og heiðurlig við felagssangi og røðum.
Gestarøðari hjá elektrikarunum var Eyðun Hansen, stjóri í El Talvuvirkinum, og gestarøðari hjá maskinsmiðunum var Regin Olsen, næstformaður í maskinmeistarafelagnum.
TSK ynskir lærlingum, læruplássunum og avvarandi hjartaliga til lukku.





