Nú á Tollaksmessudegi er trongligt við brúgvarnar á Klaksvík. Stórur partur av flotanum, ið vanliga roynir á nærleiðunum er innkomin og fer valla út aftur um jólini. Tó hava fiskaprísirnir vanliga verið góðir ímillum jóla og nýggjárs. Tí plaga í hvussu so er útróðrarbátarnir og ísfiskabátarnir at vera skjótir út eftir jól, ja, kanska longu 2. jóladag. Men hvussu verður í hesum koronatíðum er ikki til at vita, men vit fáa sjón fyri søgn um fáar dagar. Men tað eru ikki bert jólini, ið fáa skip at søkja havn, veiðirættindi og kvotur hava eisini ávirkan. Helst tí hava eisini uppisjóvarskip søkt havn í hesum døgum.
