Sunnudagin, 10. januar kl 16:00 letur upp ein myndasýning í Ribarhúsi við ungum listafólkum. Hetta er fyrsta sýning í hesum ári, sum letur upp undir hesari lon.
Hvussu tann listaligi inn- og útsúðurin fer at hátta sær, er ringt at meta um. Tað er altíð munur á flóð og fjøru, men á tí listaliga økinum er tað ein fragd at síggja fjørulutirnar , sum koma undan penslabørnunum. t.d. tarabløðunum hjá hesum ungu listafólkum. Hetta verður sjón fyri eygað. Her verða málningar, prent, fotomyndir, tekningar, grafiskar myndir, vatnlitismyndir o.a. at sjá.
Vegna koronu støðuna kunnu hægst 20 verða inni í senn og halda frástøðu hvørt frá øðrum. Framsýningin hongur uppi til 10. februar.
Hesi stilla út:
Óðin Hentze
Terji Beder
Hjørdis á Dalbø Gregersen
Sólfríð Hansen
Sára Ólavsdóttir Hentze
Tóra Hammer
Jóhannus Martin
Lý Petersen
Helena Kjeld
Karina Petersen
Rakel Antoniussen
