Leikaraflyting í bestu kvinnudeildini.
Tá KÍ-kvinnurnar høvdu sína venjing í kvøld sást, at ein nýggur leikari var at síggja. 24 ára gamla Rebekka F. Benbakoura kenna vit best frá HB, har hon hevur spælt, men venjingin í kvøld bendi á, at tað verður í KÍ, at hon spælir í 2023.
Rebekka byrjaði aftur eftir drúgvan skaða í 2022. Sambært FaroeSoccer skoraði hon seks mál í 14 dystum. Hon spældi eisini fýra A-landsdystir. Árini 2017-2019 skoraði hon nógv mál fyri HB og tilsamans er hon skrásett fyri 43 mál í 84 dystum í bestu deildini.
