Sambært nýggjastu tølunum hjá Hagstovu Føroya er Hvannasunds Kommuna millum tær 18 kommunurnar í landinum, har fólkatalið vaks frá desember 2021 til desember 2022.
Talan er um ein vøkstur á 1,2% yvir 1 ár. Vit í Hvannasunds kommunu fegnast um hendan vøksturin, men kunnu eisini staðfesta, at nýggjastu tølini vísa, at fólkatalið í Hvannasunds kommunu fyrst í januar er enn hægri, 428 íbúgvar ímun til 421 í desember 2022.
Barnaansingin í kommununi er frí og kommunan hevur barnahús við vøggustovu, barnagarði og frítíðarskúla, dagførdum skúla og nøkur tøk grundstykkir. Harafturat verður í næstum farið undir útstykkingina undir Gerðhamri.
