Um ikki onkur óvanliga góður møguleiki stingur seg upp, sum røkkur longur fram enn til hetta kappingarárið, so er KÍ liðugt at keypa inn í hesum umfari.
Broytingarnar hjá KÍ síðani farna kappingarár hava verið:
Tilgongd:
Ari í Haraldsstovu Petersen
Dan í Soylu
Pætur Petersen
Mark F. Jensen
Céderic Yambere
Frágongd:
Vegard Forren
Óli Ey. Poulsen
Markus O. Pettersen
Sivert Gussiås
Luc Kassi
Nils Jonatan Johansson
Tað hevur ljóðað, at KÍ møguliga fór at keypa ein álopsleikara afturat. Men nú er avgerð tikin um, at KÍ-hópurin er endaligur. Tað segði Haakon Lunov við Televarpið í sendingini hesa vikuna. Hann segði, at skuldi nakar koma inn afturat, so var tað tí at onkur óvæntaður og góður møguleiki stakk seg upp, sum gagnaði KÍ longri enn komandi kappingarár. Men hann segði í Televarpinum, at mest sannlíkt er hópurin nú endaligur.
KÍ spælir móti HB í stórsteypadystinum í dag kl. 17.30.
