Eg fari at arbeiða fyri at Fólkaflokkurin fær eitt so gott býráðsval sum gjørligt, segði Jógvan Skorheim í Dagur og Viku ígjárkvøldi
Jógvan Skorheim er býráðslimur í Klaksvíkar kommunu. Hann hevur ikki verið í nøkrum flokki, síðani hann meldaði seg úr Sjálvstýri. Nú hevur hann melda seg inn í Fólkaflokkin.
Hetta er tað rætta valið at taka, eg eri høgrumegin miðjuna og eg eri sjálvsstýrissinnaður. Eg haldi ikki at tað kemur óvart á nakran sum stendur uttanfyri, segði Jógvan Skorheim.
Jógvan Skorheim fekk 401 persónligar atkvøður á býráðsvalinum seinast.
