Faroe Ship hevur sett 54 ára gamla Símun Gullaksen sum deildarleiðara fyri frysti- og turrhøllini í Norðhavnini.
Frysti- og turrhøllin hjá Faroe Ship tekur 9.000 tons og árliga fara umleið 70.000 tons út frá terminalinum í Klaksvík.
Faroe Ship er einasta flutningsfyritøkan við staðseting í Klaksvík og vit ynskja at verða ein lokalur viðleikari hjá vinnulívinum í Norðoyggjum. Umframt at hýsa frystivørum kunnu vit eisini virka sum vøruhotel hjá øllum vøruinnflytarum, sigur Símun Gullaksen við Norðlýsið.
Símun byrjar í starvinum í dag.
