Hósdagin í síðstu viku varð skeið hildið fyri hjálparfólkum, ið nýliga eru byrjað í starvi á dagstovnaøkinum í Klaksvíkar kommunu. Talan er um eitt afturvendandi skeið, har Klaksvíkar kommuna bjóðar nýggjum starvsfólkum hendan møguleikan, fyri at lyfta námsfrøðiliga støði á stovnunum.
Endamálið við skeiðnum er geva starvsfólkum eina innleiðslu í nakrar av meginreglunum og amboðum, sum vera nýtt í dagliga virkseminum á dagstovanøkinum.
Undirvíst varð m.a. í:
- Karmurin rundan um dagstovnarnar
- Foreldrasamstarv
- Relatiónir
- Leikluturin hjá hjálparfólkum
Undirvísarar vóru: Anja og Sanna frá Námsfrøðiligu Ráðgevingini, og Niels Juel, samskipari á dagstovnaøkinum.
Vit ynskja hjálparfólkunum góða eydnu við starvinum.
