Vit fara at finna eina loysn sum allir partar eru nøgdir við, sigur Karl Johansen við Norðlýsið nú ávíst órógv hevur stungið seg upp um parkeringsviðurskiftini í miðbýnum við Føroya Bjór
Vit hava Karl Johansen í telefonini í morgun og spyrja hann hvat status er í parkeringsmálinum við Føroya Bjór, har stjórin Einar Waag hevur víst ónøgd við tilgongdina. Hetta gjørdi hann í grein í Norðlýsinum ígjár og herfyri eisini.
– Vit leggja ikki málið fyri hetta umfarið, men vit taka ein fund og avgreiða málið soleiðis at allir partar eru nøgdir, sigur borgarstjórin við Norðlýsið.
