Læknafelag Føroya hevur á eyka aðalfundið leyðardagin tann 22 marts 2025 valt Ragnar Djurhuus Hammer, yvirlækni og serlækni í psykiatri, sum nýggjan formann í Læknafelag Føroya.
Læknafelag Føroya er móðurfelagið fyri tær tríggjar súlurnar hjá læknum í Føroyum, Yngri Læknar Føroyar, Kommunulæknafelag Føroya og Serlæknafelag Føroya.
Í Yngri Læknar Føroyar eru tað yngri læknarnir Aksel Kambsskarð Berg og Eyðbjørg K. Gaard, sum eru formaður og næstforkvinna.
Í Kommunulæknafelagð Føroya eru tað kommunulæknarnir Turið H. Johannesen og Rói á Kósini, sum eru ávíkavíst forkvinna og næstformaður.
Í Serlæknafelag Føroya eru tað Shahin Gaini, professari og yvirlækni í infektiónsmedisin, sum er formaður, meðan Niclas H. Eysturoy, yvirlækni í ortopædkirurgi, sum er næstformaður.
Nevndin í Læknafelagð Føroya stendur av formonnum/kvinnum og næstformonnum/kvinnum í øllum trimum súlum.
