Barnakonsertin 2025 er tann fyrsta konsertin hjá Føroya Symfoniorkestri í Varpinum. Og undirtøkan hevur verið góð her norðuri, tí konsertin er næstan útseld.
Á skránni er, umframt tónleikaævintýrið Veiða Vind, sum Annfinnur Heinesen sigur frá, eisini ein rúgva av góðum tónleiki og undirhaldi fyri børnini.
Harumframt verður eisini annað hugnaligt í Varpinum í dag. Undan sýning fer Barnahornorkestrið á Skúlatrøð at spæla fyri gestunum, frá kl.15.15 – til 15.45. Eisini fara Operetturnar hjá Opera.fo at selja vafflur, saft, kaffi og te.
Enn eru nøkur fá atgongumerki eftir til fyrstu konsertina hjá Føroya Symfoniorkestri í Varpinum.
