Jónberth Poulsen var blaðstjóri á Norðlýsinum árini 1969 til 1971. Hann hevur búð í Danmark í mong ár. Í dag vitjaði hann aftur á redaktiónini
Herfyri skrivaðu vit um, at Norðlýsið fylti 110 ár og í tí sambandinum skrivaðu vit hvørjir stjórar høvdu verið á Norðlýsinum øll árini. Vit vóru ikki nóg neyvir, tí vit gloymdu Jónberth Poulsen, sum var stjóri árini 1969 til 1971.
Jónberth flutti til Follerup í Jyllandi í 1971 og hevur búða har síðani. Í dag vitjaði hann á redaktiónini saman við beiggja sínum Jákup og vit fingu eitt hugnaligt prát. Teir hava trý onnur systkin Jonhard, Elmar og Elsu Mariu. Øll eru á lívi uttan Elsa Maria. Foreldur teirra vóru slektaði av Eiði og vóru Joannis (á Gørðum) Poulsen og Martha Maria Poulsen.
Jónberh greiddi frá, at hann gekk á Niels Brock handilsskúlanum saman við eitt nú Oddmar Marsten og Jákup Ziskason úr Klaksvík minnist hann. Jónbert arbeiddi sum handilsskúlalærari í mong ár.
Stjórar á Norðlýsinum síðani stovningardagin í 1915
- Símun Petur Zachariassen
- Hákun Djurhuus
- J. Simun Hansen
- Óli Dahl
- Jónberth Poulsen
- Bergur Jacobsen
- Eigil Hentze
- Oliver Joensen
- Jóhann Lützen
