Føroyska landsliðið í badminton vann trygt á øllum mótstøðuliðunum í bólkaspælinum.
Tað gjørdist til 3 stórsigrar á 5-0 í dag ímóti Ynys Mön, Kaymanoggjunum og Guernsey.
Í síðsta dystinum ímóti Guernsey vunnu Magnus Dal Christiansen og Miriam í Grótinum mix, Ranja Joensen vann single hjá kvinnum, Rúni Øster vann single hjá monnum, Miriam og Bjarnhild í Buð Justinussen í kvinnudouble, umframt at Asbjørn Heide Olsen og Christian Berg Petersen vunnu mansdouble.
Í hálvfinaluni mánamorgunin kl 9 møta Føroyar garvaðu badmintonleikarunum av Menorka, sum vunnu sín seinasta dyst í bólkaspælinum 3-2 á Hetlandi.
Í hinari hálvfinaluni bresta Grønland og Isle of Man saman.
Finalan í liðkappingini verður leikt mánakvøldið klokkan 18.
Allir badmintondystirnir á Orknoyggjum verða stroymdir á YouTube kanal hjá Orkney 2025.
