Leygardagin 26. juli skipar Barnabati fyri tiltakið úti í Grøv í Klaksvík. Hetta er eitt av tveimum summarátøkum 2025 “Sansa upplivingar í náttúruni”.
Myndir frá tiltakinum 12. juli í Viðarlundini í Havn eru at síggja á facebook síðu okkara, og tvær myndir eru viðfestar her saman við mynd av lýsing um tiltakið.
Nýggjar kanningar í Føroyum vísa, at børn virðismeta løtur í náttúruni.
Tey ynskja stuttligar og avbjóðandi upplivingar í grønum umhvørvi, har tey kunnu stilla sinnið og varnast veður og vind í einum fríum umhvørvi.
Eisini vísa kanningarnar, at børn leingjast eftir ró og nærveru saman við foreldrum og avvarðandi.
Við støði í hesum bjóðar Barnabati til eitt serligt tiltak í summarfrítíðini.
Í samstarvi við Sóleyð Ísaksdóttir Hermansen bjóða vit eina løtu við sansa upplivingum í vakra náttúruumhvørvinum úti í Grøv í Klaksvík 26. Juli.
Vit hittast niðri í Grøv kl. 10 – 10:30.
Tak eina mottu ella teppi við – náttúran ger restina
Tiltakið er ókeypis og Barnabati bjóðar okkurt leskiligt omaná.
Kom og ver við !
