Vit frætta at tað verður Jóhan Christiansen, fiskimálaráðharri, sum missur landsstýrissessin fyri Tjóðveldi.
Norðlýsið var fyrst úti við søguni ígjár um at trý landsstýrisfólk fáa sekkin, nú nýskipanarnevndin kemur við fyrstu tilmælunum um almennar sparingar fyrrapartin í dag.
Samstundis mettu vit um hvør fekk sekkin og grundgóðu fyri tí. Í gjár er langt síðan og sum Norðlýsið skilir sær myndin soleiðis út nú:
Bjarni Kárason Petersen úr Framsókn fer frá sum løgmálaráðharri.
Djóni Nolsøe Joensen úr Javnaðarflokkinum fer frá sum barna- og útbúgvingarmálaráðharri.
Jóhan Christiansen úr Tjóðveldi fer frá sum fiskimálaráðharri.
