Miðnám á Kambsdali bjóðar aftur í vár fleiri lærugreinir innan akademiútbúgvingina (AÚ). Sum nakað nýtt verður vælumtókta lærugreinin leiðsla í verki bjóðað út sum netskeið umvegis Teams.
“Endamálið við AÚ er at útbúgva og eftirútbúgva fólk, sum eru í vinnu. Fleksibilitetur er avgerandi, og kann netundirvísing gerast ein stórur fyrimunur,” sigur Christian Joensen, rektari á Miðnámi á Kambsdali.
Umframt netskeiðið í Leiðslu í verki bjóðar skúlin eisini:
Altjóða búskap: Hósdag kl. 17.00 á skúlanum
Fyriskipan og starvssálarfrøði: Týsdag kl. 17.00 á skúlanum
Freistin at melda seg til er 12. januar.
