Goymslufólk

KSS søkir goymslufólk til goymslu okkara.

Goymslan er partur av søludeildini, og er bæði kunda- og vørumóttøka.

Sum goymslufólk avgreiðir tú kundar, tekur ímóti vørum, og sært til, at tilfar er klárt, tá tað skal út til kundar, arbeiði og verkætlanir.

Vit síggja fyri okkum, at rætti umsøkjarin skilir týdningin av dygdargóðari kundarøkt.

Uppgávur

• Kundaavgreiðsla og ráðgeving
• Móttøka og skráseting av vørum
• Í ávísan mun kunnu eisini smærri smiðjuuppgávur væntast

Vit ynskja, at tú

• Ert ágrýtin, fyrikomandi og tænastusinnað/-ur
• Dugir at skapa góð kundasambond
• Ert røkin og álítandi, og fylgir uppgávum til enda
• Dugir væl at samstarva og arbeiða í toymi
• Ikki ræðist at bretta upp ermur, tá nógv er at gera

Tað er ein fyrimunur, um tú hevur royndir við

• Goymslu- ella logistikkarbeiði, møguliga úr líknandi vinnu, kundaavgreiðslu ella líknandi
• Bókhaldsskipanini Lundin

Vit bjóða

• Eitt spennandi og avbjóðandi starv
• Góða upplæring og stuðul frá dugnaligum starvsfeløgum
• Eitt gott arbeiðsumhvørvi

Umsókn og treytir

Løn og setanartreytir eftir avtalu.
Vit ynskja, at starvið verður sett skjótast gjørligt, men bíða fegin eftir tí rætta.
Send umsókn við lívsrensli (CV) til rannva@kss.fo í seinasta lagi 14. oktobur.
Samrøður verða hildnar leypandi. Allar umsóknir verða viðgjørdar í trúnaði.

Hevur tú spurningar um sjálvt starvið, ert tú vælkomin at venda tær til Rannvá Isaksen, søluleiðara á tlf. 232043 ella rannva@kss.fo.