Veðurviðurskiftini eru broytt síðan útstykkingina uppi á Fossum, siga íbúgvar við Norðlýsið
Tað regnaði av grimd í gjárkvøldi. Uppi á Fossum var talan um áarlop og tað merktist á gøtunum undir – Niðan Horn og á Rættargøtu.
– Vatnið kemur oman og rennur runt um húsini og undir húsini og fer so víðari omaneftir, sigur ein sum býr Niðan Horn.
– Hetta eru afturvendandi mannaskaptir trupulleikar, sum eru íkomnir síðan útstykkingina Uppi á Fossum, sigur annar íbúgvi við Norðlýsið.
Men tað er ikki einans regnið, ið órógvar meira enn tað hevur gjørt. Eisini vindurin er farin at gera meira um seg.
– Tá hann er rangur Eystan er tað serliga ring ætt her uppi. Hvirlurnar raka inn í Háfjall og sláa so omanaftur. Útstykkingin uppi á Fossum elvir til grússtormar, har alt meira ella minni blívur sandblást niðanfyri, siga íbúgvar við Norðlýsið.
