Nú er endaliga greitt, at tveir av útlendsku leikarunum, sum komu til KÍ í summar, ikki halda fram.
Talan er um verjuleikaran Alexander Berntsson og miðvallarleikaran Albert Ejupi. Teir fingu nógva spælitíð og vóru í løtum við til at styrkja liðið, men so høvdu teir eisini dystir, har teir høvdu tað torført.
Nú er greitt, at teir ikki koma aftur til KÍ, tá kappingin fer í gongd aftur. Magnus Powell segði fyri nøkrum vikum síðani, at KÍ-hópurin var ov dýrur og taldi ov nógvar leikarar. Tí skulu vit vænta nógv størri frágongd enn tilgongd hjá KÍ í vetur.
