Tunnil Norð um fjall (+ byrging um Haraldssund) fingu 22 milj. kr. á fíggjarlógini 2009 – Bert Sjálvsstýrisflokkurin atkvøddi ímóti.
Táið fíggjarløgtingslógin varð samtykt, gjørdist samstundis greitt, at játtaðar vóru 92,5 milliónir krónur í undirstøðukervið kring landið. Upphæddirnar eru samtyktar við C-átekning, tvs., at landsstýrið ikki hevur heimild til at flyta játtaða fæið, uttan so, at málið verður tikið uppaftur á tingi. Hesi seinastu árini hevur tað ferð eftir ferð verið ein trupulleiki, at landsstýrið ikki hevur tikið viljan hjá løgtinginum til eftirtektar, og hevur flutt runt við upphæddunum, alt eftir sum reykurin hevur staðið á viðkomandi landsstýrismanni. Fíggjarnevndin hevur nú steðgað hesi mannagongd við eini C-átekning, harvið hevur løgtingið nú tikið sítt sjálvsagda vald aftur.
Annars er býtið av íløgunum hetta:
Øravík-Hov. 2.600.000
Dagføring av brúm og tunnlum. 4.100.000
Trygdartiltøk, størri ábøtur og til at taka. 6.000.000
Vegagerð í Leirvík. 20.000.000
Vegagerð í Kallsoy, vegir, tunnlar og havnir. 2.500.000
Hvalbiartunnilin. 3.000.000
Brúgvin um Streym. 5.000.000
Leynatunnilin. 5.300.000
Tunnil Norð um fjall (+ byrging um Haraldssund). 22.000.000
Skálavík, brimverja. 1.000.000
Havnin í Skúvoy. 7.000.000
Vegurin omanfyri Skálafjørð (Skálabotn). 10.000.000
Ringvegur omanfyri Runavík-Saltanagará-Glyvrar. 2.000.000
Rituvíkarvegurin 2.000.00
