Víkingur hevur verið óvanliga væl umboðað á føroyska A-landsliðnum seinasta árið. So væl, at allir leikararnir í uppstillingini, sum eru tøkir til A-landsliðið, eru tiknir út.
Til komandi dyst móti Norðurírlandi og Finnlandi eru hesir úttiknir: Atli Gregersen, Erling Jacobsen, Hanus Jacobsen, Sølvi Vatnhamar og Finnur Justinussen. Bárður Hansen og Andreas Lava Olsen eru ikki tøkir til hendan dystin.
Seinasta árið hava eisini allir hinir føroyingarnir á liðnum hjá Víkingi verið á føroyska landsliðnum:
Móti Grikkalandi í juni: Bárður Hansen og Andreas Lava Olsen umframt aðrar.
Móti Ungarn og Norðurírlandi í oktober 2014: Hans Jørgen Djurhuus umframt aðrar.
Sostatt eru Bárður Hansen, Atli Gregersen, Erling Jacobsen, Hanus Jacobsen, Hans Jørgen Djurhuus, Sølvi Vatnhamar, Finnur Justinussen og Andreas Lava Olsen – tilsamans 8 leikarar – úttiknir á føroyska A-landsliðið seinasta árið. Súni Olsen er givin á landsliðnum, meðan Geza Turi og Filip Djordjevic eru útlendingar og hava ikki loyvið at umboða føroyska A-landsliðið.
Tískil eru allir leikararnir av teimum fyrstu 11 hjá Víkingi, sum ikki eru givnir ella ikki hava loyvið at spæla, úttiknir á føroyska A-landsliðið seinasta árið.
Úttiknir seinasta árið: (8)
Høgri bakkur: Bárður Hansen
Miðverji: Atli Gregersen
Miðverji: Erling Jacobsen
Vinstri bakkur: Hanus Jacobsen
Sentralur miðvøllur: Hans Jørgen Djurhuus
Sentralur miðvøllur/Høgri kantur: Sølvi Vatnhamar
Álopsleikari: Andreas Lava Olsen
Álopsleikari: Finnur Justinussen
Givin á landsliðnum: (1)
Sentralir miðvøllur: Súni Olsen
Útlendingar: (2)
Málverji: Geza Turi
Høgri/vinstri vongur: Filip Djordjevic
