So mikið nógv av fiski er á Kósini, at arbeiði verður báðar ólavsøkudagarnar.
Dagarnir á ólavsøku eru ikki sáttmálasettir frídagar hjá arbeiðsmanna- og kvinnufelagnum í Klaksvík. Tað hevur eisini ofta verið arbeitt hesar dagarnar. Og soleiðis verður eisini í ár, tá vit tosa um flakavirkið á Kósini. Safir, Smaragd og Grønanes landaðu í morgun og seinni í vikuni koma snellubátarnir aftur úr Íslandi. M.a. tað ger, at nógvur fiskur er og verður á virkinum, og tí verður væntandi arbeiði tað mesta av vikuni.
