Árnaspark – burdi komið í orðabókina

Ein hittinorðaður KÍ-fjeppari hevur lagt eitt nýtt orð – “árnaspark” – út á síðuna hjá KÍ-fjepparabólkinum, og vit kunnu ikki annað enn taka undir við fjepparanum.

“Árnaspark – (ítr.) Mál í fótbólti, sett í netið beinleiðis upp á hornaspark.” Soleiðis ljóðar hugskotið til orðafrágreiðingina.

Ikki so býtt hugskot, sum Jonhard Mikkelsen, stjóri á Sprotanum, burdi umhugsað 

KÍ spælir í kvøld kl. 18 ímóti B68 við Djúpumýru, og kanska verða vit aftur í kvøld vitni til eitt “árnaspark”, hvør veit.