Er úrslitið á fólkatingsvalinum ein forsøgn til løgtingsvalið? Flyta ítøkilig mál sum tunnilsmálið og tollmálið nógvar atkvøður? Og hvussu ávirka virðini á bygd og býi, hvar vit seta krossin?
Hesir spurningar verða millum annað viðgjørdir á áhugaverdum tiltaki, sum SamFelagið, felagið hjá samfelagsfrøðingum, skipar fyri leygardagin tann 29. august.
Á tiltakinum verður farið aftur um valið og valstríðið. Fleiri áhugaverdir fyrilestrar eru á skránni.
• Hvar seta veljararnir krossin? Hvussu hevur undirtøkan hjá flokkunum verið hetta valskeiðið? Er úrslitið á fólkatingsvalinum ein forsøgn til løgtingsvalið? Jógvan Mørkøre, stjórnmálafrøðingur, fer at lýsa veljaraatburðin við støði í veljarakanningum hetta valskeiðið.
• Høgra- og vinstra. Samband- og fullveldi. Eru hesir politisku ásarnir framvegis tíðarhóskandi fyri at lýsa føroyskan politikk? Hvussu ávirkar inntøka og kyn, hvussu vit velja? Rógvi Nybo lesur stjórnmálafrøði og hevur kannað veljaraatburðin hjá føroyingum.
• Ein vaksandi gjógv millum bygd og bý? Eru virðini á býi og bygd so ymisk, at tað ávirkar, hvat vit seta krossin? Heri á Rógvi, búskarfrøðingur, lýsir hvønn týdning virðini hjá veljarum á bygd og býi ávirka veljaraatburðin.
• Tunnilsmálið og tollmálið. Hvørji aktuell mál í hesum valskeiðinum kunnu ávirka veljaraatburðin? Hvussu ávirkar politiska minnið veljaraatburðin?
• Hvønn týdning hevur fiskivinna fyri atburðin hjá veljaranum, tá krossurin skal setast? Stefan í Skorini, stjórnmálafrøðingur og ritstjóri til bókina Valið og Valdið, lýsir hvussu hugburður til fiskivinnu ávirkar veljaraatburð.
Nær: Leygardagin 29. august, kl. 15-18
Hvar: Læraraskúlahøllin, á Frælsinum 20.
Kostnaður : 100 kr. Atgongumerki kunna keypast á https://billetto.dk/en/events/velja-vraka og við dyrnar. Avmarkað nøgd.
Les meira um tiltakið her:https://www.facebook.com/events/1477370685914280/
