Annan dystin á rað javnaði B36 í yvirtíðini móti einum FM favoritti.
Í 3. umfarinum var B36 aftanfyri 2-1 móti Víkingi fram til 94. minutt, tá tað so eydnaðist at javna til 2-2 við brotssparki. Í kvøld var nærum endurtøka. HB kom á odda við máli frá Christian Mouritsen í fyrra hálvleiki og B36 var aftanfyri fram til seinastu løtuna. Í 90. minutti javnaði Jákup á Borg við góðum skoti.
Við javnleikinum í kvøld komu bæði liðini uppá 8 stig og liggja eitt stig aftanfyri NSÍ á 1. plássinum við einum dysti meir.
