Á Góðskingarvirkinum hjá Bakkafrost á Glyvrum eru vanliga tvær vaktir til arbeiðis við uml. 300 starvsfólkum. Í sambandi við tillagingar av framleiðsluni á góðskingarvirkinum fara vit í eina tíð at koyra við einari vakt og tí eru 147 starvsfólk søgd úr starvi í dag.
Støðan er íkomin, tí vit í eitt tíðarskeið hava færri ordrar at framleiða. Hetta ger, at tað verður minni arbeiði og at vit tí eru noydd at gera tillagingar í starvsfólkahópinum.
Vit er sera hørm um støðuna og vit vóna, at virksemi er aftur á vanliga støðinum í seinnu hálvu av 2018.
